kukolo funkcias nur se ĵavaskripto aktivas en via foliumilo.
tajpu vortojn en la supra tekstujo kun „x“-klavo por ĉapelaj literoj, ekzemple klavu cx por skribi ĉ. sube aperos la esprimo, kiun kukolo reale sendos al guglo. alklaku „trovu” (aŭ la enigo-klavon ↵) por ricevi la repondojn de guglo en nova folio aŭ fenestro de via foliumilo.
se io ne taŭgas en la reala serĉesprimo, vi ankaŭ povas rekte modifi ĝin, antaŭ ol vi alklakas „trovu”.
alklaku al agordoj por modifi la funkciadon de kukolo...
la menueto serĉu tra ebligas elekton inter esploro de ordinaraj retpaĝoj, aŭ pli specife de retgrupaj paĝoj, aŭ de bildoj.
por esplori apartan retejon, elektu en la listo aŭ klavu en la tekstujo ĝian retadreson, ekzemple eo.wikipedia.org. venos respondoj nur el tiu adreso. singardu: se la adreso ne ekzistas, vi simple ricevos nul respondon.
se vi elektas retejon kaj ŝanĝas la jes-ne-listeton al „ne“, tiam kukolo serĉos en tuta interreto sed ne en tiu aparta retejo.
elektu "-" en la listo aŭ forviŝu la adreson, kiam vi deziras denove tutinterretan serĉon.
per la markobutono laŭlitera esprimo, kukolo serĉos ĝuste la klavitajn vortojn (kaj la generitajn fleksiajn formojn), ne ŝaltante la provojn de guglo por ŝanĝi finaĵojn.
per la markobutono laŭvorta esprimo, kukolo serĉos unue ĉiujn viajn vortojn kune. ekzemple se vi serĉas nigra merkato ĝi respondos per dokumentoj entenantaj ĝuste tiun vortsekvon, ne simple la vortojn nigra kaj merkato disajn en ajnaj frazoj.
kun hokitaj markobutonoj ĉ cx ch æ kukolo serĉas samtempe la kvar plej uzatajn literumojn de esperantaj kromsignaj vortoj en interreto: ekzemple ĝis aŭ gxis aŭ ghis aŭ øis.
vi povas malŝalti iujn literumojn per malhokado de la respondaj markobutonoj. la butono ĉiuj regas ĉiujn literumojn samtempe. tamen, ĉar almenaŭ unu literumo necesas, se vi malŝaltas ĉiujn, kukolo konservos la ĉapelan skribo.
notu, ke mankas aliaj pli maloftaj skriboj: c' por ĉ, w por ŭ, kaj diversaj kodoj uzataj en pdf-dokumentoj.
la markobutono ĉiuj regas samtempe ĉiujn sekvajn markobutonojn.
kun hokita markobutono nombra kukolo serĉas el vorto ankaŭ vortoj.
kun hokita markobutono kaza kukolo serĉas el vorto ankaŭ vorton.
kun hokita markobutono tempa kukolo serĉas el vorti ankaŭ vortu vortus vortis vortas vortos.
kukolo ne fleksias vortgrupojn, sed nur ĉiun vorton aparte. kukolo ne konstruas el verbo participojn (el vorti ĝi ne faras vortanta vortite...).
la listo +vortoj faciligas la trovon de esperantaj paĝoj aŭtomate aldonante tipajn esperantajn vortojn (kiu kvankam...) al via serĉo. vi povas ŝalti ĝin:
per hokado aŭ malhokado vi povas elekti, kiujn vortojn kukolo almetos al viaj serĉesprimoj. se vi malhokas ĉiujn vortojn, ĝi funkcios same, kiel se vi elektas neniam en la supra listo: neniu vorto estos almetata.
la dua proponata vorto estas kvankam, sed vi povas ŝanĝi ĝin per alia vorto, ekzemple vorto rilata al la temo de via serĉo. vi eĉ povas enigi plurajn vortojn. se vi klavas ĉapelan vorton, ĝi estos serĉata nur en ĉapela literumo.
tute supre en la fenestro la markobutonoj [a↑] kaj [a↓] ebligas grandigon aŭ etigon de la tekstoj en kukolo.
iuj misoj eble ricevos korektojn en venontaj eldonoj:
se kukolo ne funkcias ĝuste por vi, vi povas:
aŭ provi aliajn retesplorajn ilojn, kiaj:
ĉi tiu paĝo estas parto de la serĉilo kukolo