Mi uzas la programon UltraMon por subteni la plurekranan aranĝon de mia Vindoza komputilo. Legu pri tio en mia Ipernity-paĝo. Ĉi-paĝe vi povos legi pri la tradukado de la programo kaj la helpdosiero kaj pri la uzitaj terminoj.
Por traduki la DLL-formatan lingvodosieron mi unuafoje uzis la tradukilon SDL Passolo. La tradukilo estas tre taŭga por la tradukado de programoj, ĉar dumtraduke oni povas vidi kiel la tradukoj aperos en la menuoj kaj dialogujoj de la programo. Oni povas dumtraduke alĝustigi ekzemple la larĝecon de butonoj kaj tekstujoj. Montriĝis, ke Passolo senprobleme digestas la Esperantajn literojn. Mi unue tradukis version 3.0.4 de UltraMon. Kiam aperis versioj 3.0.7, 3.0.8, 3.0.9, 3.0.10 kaj 3.1.0, mi povis fulmrapide traduki ilin, ĉar mi bezonis adapti nur kelkajn frazojn. Mi povis kapti la okazon korekti malglataĵojn en la traduko. Pri la resto zorgis Passolo.
Esperanto ne havas oficialan Mikrosoftan lingvo-identigilon. Tial en la UltraMon-menuo kun elekteblaj lingvoj, Esperanto aperas ne kiel "Esperanto (eo)", sed nur kiel "(eo)".
En la UltraMon-paĝaro oni povas elŝuti la Esperantan lingvodosieron, kiun mi faris. Malpaku la ZIP-dosieron en la risurca dosierujo de UltraMon. Kutime tio estas C:\Program Files\UltraMon\Resources. Poste iru en UltraMon al Options > General kaj elektu (eo) en la lingvolisto.
Mi ne nur tradukis la programon mem, sed ankaŭ la Helpo-dosieron. La Helpo-paĝoj troviĝas en CHM-dosiero. Por fari la tradukon, mi agis jene:
Dume mi spertis kelkajn teknikajn problemojn:
Se iu scias kiel solvi la menciitajn problemojn, mi volonte aŭdos tion.
Jen listo de kelkaj terminoj uzitaj en la UltraMon-traduko:
| Anglaj terminoj | Esperantaj terminoj |
|---|---|
| 3D acceleration | Tridimensia plirapidigado |
| 3D graphics | Tridimensiaj grafikaĵoj |
| About | Pri |
| Acceleration | Plirapidigo |
| Adapter | Adaptilo |
| Always on top | Ĉiam montri |
| Arrange | Aranĝi |
| Assign | Atribui |
| Auto-Hide | Aŭtomate kaŝi |
| Bitmap | Rastrumo |
| Bit mask | Bitŝablono |
| Browse | Foliumi |
| Call (a method) | Voki (metodon) |
| Cancel | Nuligi |
| Cascade | Tegoli |
| Close | Fermi |
| Collection | Aro |
| Color depth | Kolorprofundo |
| Constant | Konstanto |
| Command-line argument | Komandlinia argumento |
| Compatible | Kongrua |
| Customization | Agordado |
| Default | Defaŭlta |
| Delete | Forigi |
| Desktop | Labortablo |
| Disable | Malŝalti |
| Display Profiles | Ekranprofiloj |
| Display Settings | Ekranagordaĵoj |
| Dock | Doki |
| Double-click | Duoble alklaki |
| Driver | Pelilo |
| Edit | Redakti |
| Enable | Ŝalti |
| Enumeration | Enumeracio |
| Flip | Renversi |
| Folder | Dosierujo |
| Get (a property) | Akiri (atributon) |
| Handle | Montrilo |
| Help | Helpo |
| Hotkey | Klavkomando |
| Hot-pluggable | Dumkure interŝanĝebla |
| Icon | Piktogramo |
| Ignore | Malatenti |
| indefinitely | Nefinie |
| Input | Enigoj |
| Instance | Ekzemplero |
| Laptop | Tekokomputilo |
| Launch | Lanĉi |
| Load | Ŝargiĝi |
| Main Taskbar | Ĉefa taskostrio |
| Management | Mastrumado |
| Margin | Marĝeno |
| Mirror | Speguli |
| Mode | Reĝimo |
| Monitor | Ekrano |
| Mouse (pointer) | Muskursoro |
| Native | Indiĝena |
| Notepad | Notbloko |
| Object | Objekto |
| OK | Konfirmi |
| One-based | Unu-origina |
| Option | Opcio |
| OS | Operaciumo |
| Parent | Patro |
| Password | Pasvorto |
| Path | Vojo |
| Performance | Rendimento |
| Pixel | Bildopunkto |
| Popup window | Ŝprucfenestro |
| Position | Pozicii, Pozicio |
| Preview | Antaŭmontri |
| Primary (screen) | Ĉefekrano |
| Property | Atributo |
| Quick Launch toolbar | Rapidlanĉa ilobreto |
| Read-only | Nurlega |
| Read access | Lega atingorajto |
| Refresh | Aktualigi |
| Register | Registrejo |
| Register key | Registreja ŝlosilo |
| Rename | Renomi |
| Resize | Regrandigi/Regrandiĝi |
| Resolution | Distingivo |
| Restore | Restarigi |
| Resume | Daŭrigi |
| Return | Liveri |
| Return value | Liveraĵo |
| Right-click | Dekstre alklaki |
| Run | Rul(iĝ)i |
| Save | Konservi |
| Screen Saver | Ekrankurteno |
| Script | Skripto |
| Secondary (screen) | Kromekrano |
| Settings | Agordi, Agordaĵoj |
| Shortcut | Simbola ligilo |
| Show | Montri |
| Shrink… to fit onto… | Malgrandige adapti… al… |
| Single-chipset dualhead card | Unublatara videokarto kun du eligoj |
| Smart Taskbar | Inteligenta taskostrio |
| Splash screen | Salutŝildo |
| Start | Lanĉi |
| Start Menu | Lanĉmenuo |
| Stop | Haltigi |
| Stretch... to fill… | Grandige adapti… al… |
| String | Ĉeno |
| Swap | Interŝanĝi |
| System tray | Taskopleto |
| Task Manager | Taskmastrumilo |
| Taskbar | Taskostrio |
| Text box | Tekstujo |
| Thread | Fadeno |
| Tile | Kaheli |
| Time-out | Tempolimo |
| Toggle | Baskuligi |
| Toolbar | Ilobreto |
| UI | Fasado |
| Undo | Malfari |
| Undock | Maldoki |
| Upgrade | Promocii |
| Video card | Videokarto |
| Video Overlays | Videa surmetado |
| Wallpaper | Ekranfono |
| Wildcard | Ĵokero |
| Window | Fenestro |
| Windows | Vindozo |
| Wizard | Asistanto |
| Workspace | Laborspaco |
| Write access | Skribpermeso |
| Zoom factor | Zomfaktoro |
